नेपाल इन्भेष्टमेण्टको ३६ औं साधारण सभा सम्पन्न

काठमाडौँ । नेपाल इन्भेष्टमेण्ट बैंकको ३६ औं साधारण सभा सम्पन्न भएको छ ।

काठमाडौको कमलादीस्थित प्रज्ञा प्रतिष्ठानमा सम्पन्न भएको सभाले गत आर्थिक बर्षको मुनाफाबाट हाल कायम भएको चुक्ता पुँजीको ४ प्रतिशत बोनस शेयर र ७ प्रतिशत नगद लाभांश वितरण गर्ने निणर्य पारित गरेको हो ।

साधारणसभाले मेगा बैंकसँग मर्जरमा जाने निणर्य पनि पारित गरेको छ । दुवै बैंक छिट्टै मर्जर प्रक्रिया सम्पन्न गरी संयुक्त कारोबार गर्ने प्रक्रियामा छन् ।

बैंकले गत आवमा बैंकले रु ६ अर्ब २८ करोड सञ्चालन मुनाफा तथा ३ अर्ब ७९ करोड खुद मुनाफा आर्जन गरेको छ । बैंकको चुक्ता पूँजी १९ अर्ब ३ करोड पुगेको छ ।
बैंकले अघिल्लो वर्ष १७९ अर्ब ४० करोड निक्षेप संकलन गरेकोमा गत वर्ष १८६ अर्ब ७६ करोड संकलन गरेको छ ।

साथै बैंकको कर्जा प्रवाह अघिल्लो वर्ष १६१ अर्ब ९१ करोड रहेकोमा गत आवमा १६४ अर्ब ८२ करोड पुगेको छ ।