प्रधानमन्त्री र मन्त्रीहरुले दशैं भत्ता कोरोना कोषमा जम्मा गर्ने

काठमाडौं । आज बसेको मन्त्रिपरिषद् बैठकले प्रधानमन्त्री केपी शर्मा ओली र सबै  मन्त्रीहरुले  यस बर्ष आफूले पाउने दशैँ खर्च नलिने र सो रकम कोरोना कोषमा जम्मा गर्ने भएका छन्।

सरकारका प्रवक्ता सञ्चार तथा सूचना प्रविधि मन्त्री पार्वत गुरूङले प्रधानमन्त्रीसहित सबै मन्त्रीहरुले दसैँ खर्च कोषमा जम्मा गर्ने निणर्य भएको जानकारी पत्रकार सम्मेलनमा दिए।

कोरोना महामारीका बेला सांसदहरु र मन्त्रीहरुले दसैँ खर्च लिएको भन्दै चर्को आलोचना भएको थियो। नेकपाले संस्थागत निणर्य नै गरेर दसैँ खर्च फिर्ताको निणर्य गरेको छ।

सरकारका प्रवक्ता गुरुङले सञ्चारमन्त्रालयको जिम्मेवारी सम्हालेपछि पहिलो पत्रकार सम्मेलन गरेका हुन ।