ललितपुर महानगरका मेयरलाई कोरोना संक्रमण

ललितपुर । ललितपुर महानगरपालिकाका मेयर चिरिबाबु महर्जनलाई कोरोना संक्रमण भएको छ ।

स्वास्थ्यमा सामान्य समस्या देखिएपछि परीक्षण गराएका महर्जनमा आज कोरोना संक्रमण पुष्टि भएको महानगरपालिकाले जनाएको छ ।

संक्रमण हुनुअघि उनी महानगरका विभिन्न स्थानमा राहत वितरण गर्ने हिडेका थिए ।

संक्रमण पुष्टि भएपछि उनी हाल बखुण्डोलस्थित आफ्नै घरमा आसोलेसनमा बसेका छन् । यसअघि काठमाडौका प्रमुख विद्यासुन्दर शाक्यलाई पनि कोरोना संक्रमण देखा परेको थियो । उनी हाल निको भइसकेका छन् ।