कांग्रेस प्रवक्ता विश्वप्रकाश शर्माले गरे महामन्त्रीमा उम्मेदवारीको घोषणा

काठमाडौं । नेपाली कांग्रेसको १४औं महाधिवेशनका लागि प्रवक्ता विश्वप्रकाश शर्माले महामन्त्री पदमा उम्मेदवारी घोषणा गरेका छन् ।

प्रवक्ता शर्माको उम्मेदवारी  घोषणा सँगै कांग्रेसको महामन्त्री पदमा तीन युवा नेताको दाबेदारी भएको छ ।

यस अघि कांग्रेसका युवा नेता गगन थापा र नेता प्रदीप पौडेलले पनि महामन्त्रीमा उम्मेदवारी दिने घोषणा गरिसकेका छन् ।

बिपी कोइरालाको १०८औं जन्मजयन्तीको अवसरमा सुन्दरीजलस्थित बिपी संग्रहालयले आयोजना गरेको कार्यक्रममा  शर्माले महामन्त्री पदमा उम्मेदवारी घोषणा गरेका हुन् ।

शर्माले महामन्त्रीमा युवा नेताको नेतृत्वमा कांग्रेसलाई देशकै सबैभन्दा ठूलो पार्टी बनाउने भन्दै उम्मेदवारी घोषणा गरे ।

कांग्रेसको १४औं महाधिवेशन आउदो मंसिर  ९ गते  देखि १३ गते सम्मका लागि     हुदैछ ।