पुस १६ गते नेपाली कांग्रेसले सरकारबिरुद्ध प्रदर्शन गर्ने

काठमाडौं । नेपाली कांग्रेसले मेलमिलापको नीति लिएर संस्थापक नेता बीपी कोइराला भारतबाट फर्किएको दिनको अवसर पारेर संसद् विघटनको विरोध स्वरुप पुस १६ गते सरकारबिरुद्ध सांकेतिक प्रदर्शन गर्ने निणर्य गरेको छ ।

नेपाली कांगे्रस चुनाव वा आन्दोलनमा जानेबारे फरकफरक धारणा रहेको भन्ने समाचार आए पनि त्यो सत्य नरहेको भन्दै कांग्रेस प्रवक्ता विश्व प्रकाश शर्माले भने, “कांग्रेसभित्र आन्दोलनमा जाने र चुनावमा जानुपर्छ भन्ने दुई धार रहेको भन्ने समाचार सञ्चारमाध्यममा आए तर त्यो सही होइन, कांग्रेस आन्दोलनमा जाने वा चुनावमा जाने एउटै धारणा बनाएर अगाडि बढ्छ ।”

नेपाली काग्रेस पाटी केन्द्रीय कार्यालय सानेपामा सुरु केन्द्रीय कार्य समिति बैठकमा नेताहरु रामशरण महत, गगन थापा, आनन्द प्रसाद ढुङ्गाना र बलबहादुर केसीले आफ्नो धारणा राखेका छन् ।