२०८१ असार ४, मंगलबार
Health Aawaj logo
गृहपृष्ठअन्तर्राष्ट्रियनवनिर्वाचित अमेरिकी राष्ट्रपति जो बाइडेनले लगाए कोभिड-१९ विरुद्धको खोप

नवनिर्वाचित अमेरिकी राष्ट्रपति जो बाइडेनले लगाए कोभिड-१९ विरुद्धको खोप


 

एजेन्सी । अमेरिकी नवनिर्वाचित राष्ट्रपति जो बाइडेनलाई सोमबार कोरोनाभाइरसविरुद्धको खोप दिइएको छ । उनलाई खोप दिँदा अमेरिकी टेलिभिजनमार्फत् प्रत्यक्ष प्रसारण पनि गरिएको थियो ।

७८ वर्षीय राष्ट्रपति बाइडेनले गृहराज्य डेलावेयर नेवार्कस्थित क्रिस्टियाना अस्पतालबाट फाइजरको खोप लगाएका थिए । बाइडेनले खोप लगाउँदा कुनै चिन्ता नलिन अमेरिकी जनतासँग अनुरोध गरेका थिए ।
बाइडेनकी पत्नी जिल बाइडेनलाई पनि यसअघि नै खोप दिइएको थियो । उपराष्ट्रपतिमा निर्वाचित कमला ह्यारिस र उनका पतिले भने आउदो साता खोप लिने कार्यक्रम छ ।

अहिलेसम्म तीन लाख १८ हजारभन्दा बढी अमेरिकीको ज्यना लिइसकेको कोभिड-१९ विरुद्ध खोप लगाउने अभियान अमेरिकाका विभिन्न राज्यमा भइरहेको छ ।
उपराष्ट्रपति माइक पेन्स र उनकी पत्नीले गएको साता नै खोप लिइसकेका छन् । तर, राष्ट्रपति डोनाल्ड ट्रम्पले खोप लिने वा नलिनेबारेमा केही बताएका छैनन् ।

अमेरिकामा फाइजर-बायोएनटेकले विकास गरेको खोपका अलावा मोडर्ना फर्मास्युटिकल्सले निर्माण गरेको खोप पनि प्रयोगमा ल्याइएको छ ।


क्याटेगोरी : अन्तर्राष्ट्रिय



तपाईको प्रतिक्रिया दिनुहोस


ट्रेण्डिङ