तेह्रथुम पावर कम्पनीको आइपीओ बाँडफाँट

काठमाडौं । तेह्रथुम पावर कम्पनीको आइपीओ बाँडफाँट भएको छ । निश्काशन तथा बिक्री प्रबन्धक एनआइबिल एस क्यापिटलले आज बाँडफाँट गरेको हो ।

कुल २३ लाख ५५ हजार ४४७ जना आवेदकबाट आवेदन परेको बिक्री प्रबन्धक एनआइबिल एस क्यापिटलले जनाएको छ । त्यसमध्ये ८ हजार ८२० आवेदन रद्ध भएका छन ।

कम्पनीको शेयर न्युनतम १० कित्ताको दरले वितरण गर्दा ७४ हजार ४०० जनाले मात्रै शेयर पाएका छन् ।त्यस अनुसार बाँकि २२ लाख ८१ हजार ८७ जना अर्थात करिब ९६.८३ प्रतिशतले शेयर पाएनन् ।

यो कम्पनीले १०० रुपैयाँ अंकित दरका ८ लाख कित्ता सेयरको सार्वजनिक निश्कासन गरेको थियो । जसमध्ये कम्पनीका कर्मचारी र म्युचुअल फण्डहरुलाई सुरक्षित गरिएबाहेक सर्वसाधारणका लागि ७ लाख ४४ हजार कित्ता छुट्याइएको थियो ।