अप्पर तामाकोशीको हकप्रद सेयर आजबाट बिक्रि खुल्ला

काठमाडौं – अप्पर तामाकोशी हाइड्रोपावरले आफ्ना सेयरधनीहरुको लागि आज भदौ १८ गतेदेखि हकप्रद सेयर जारी गरेको छ ।

कम्पनीले हाल कायम चुक्ता पूँजी १० अर्ब ५९ करोड रुपैयाँको १ कित्ता सेयर बराबर नयाँ १ कित्ता सेयर (१ :१) को अनुपातमा हकप्रद सेयर निष्काशन गरेको हो ।
कम्पनीले रु.१०० अंकितदरले १० करोड ५९ लाख कित्ता हकप्रद सेयर निष्कासन गरेको हो ।

उक्त हकप्रद सेयरको लागि कम्पनीले २५ साउनमा बुक क्लोज गरिसकेको छ । यसअनुसार २६ साउनसम्म नेप्सेमा कायम लगानीकर्ताले हकप्रद सेयरको दाबी गर्न पाउनेछन् ।

कम्पनीको हकप्रद सेयरमा नागरिक लगानी कोष बिक्री प्रबन्धकको काम गर्नेछ भने सनराइज क्यापिटलले सह बिक्रि प्रबन्धकको काम गनेछ । कम्पनीले जारी गर्न लागेको हकप्रद सेयरमा लगानीकर्ताले अरोज ७ गतेसम्म आवेदन दिन सक्नेछन् ।

लगानीकर्ताले धितोपत्र बोर्डबाट आश्वा अनुमति प्राप्त बैंक तथा वित्तीय संस्थाका अलवा मेरो सेयर सफ्टवेयरमार्फत आवेदन दिन सक्नेछन् ।