कर्पोरेट पे मार्फत सात महिनाको अवधिमा ५५ अर्बको कारोबार

डिजिटल भुक्तानी प्रणली कर्पोरेट पेले पछिल्लो सात महिनाको अवधिमा ५५ अर्ब रुपैयाँको आर्थिक कारोबार गरेको छ ।

संस्थाले जारी गरेको विज्ञप्तिमा गत साउनदेखि १२ फागुनसम्म कर्पोरेट पेले ५५ अर्ब रुपैयाँ बराबरको आर्थिक कारोबार भएको छ । साना तथा मझौला व्यावसायिक तथा संस्थागत लगानीकर्ता र ग्राहकहरुलाई सहज रुपमा डिजिटल भुक्तानी गर्न सक्ने गरी कर्पोरेट पे प्राणाली प्रयोग हुँदै आएको छ ।

यस प्रणालीमा एउटै प्ल्याट्फर्ममा एक भन्दा बढी बैंक खाताहरु लिन्क गरी कारोबारहरु गर्न सक्ने व्यवस्था समेत रहेकोले ग्राहकलाई कारोबार गर्न सहज भएको कर्पोरेट पेले जनाएको छ ।
४८ बैंक वित्तीय संस्थाहरु मार्फत् उक्त प्रणाालीमा २ हजार ६ सयभन्दा बढी व्यवसायिक ग्राहकहरु आबद्ध भइसकेका छन् ।