समता घरेलु लघुवित्तको २५ प्रतिशत लाभाशको घोषणा

काठमाडौं । समता घरेलु लघुवित्तले आर्थिक वर्ष २०७७/७८ नाफाबाट सेयरधनीलाई वितरण गर्ने लाभांश घोषणा गरेको छ ।
लघुवित्तको सोमबार बसेको सञ्चालक समिति बैठकले गत वर्षको नाफाबाट २० प्रतिशत बोनस सेयर र पाँच प्रतिशत नगद लाभांश गरी कुल २५ प्रतिशत लाभांश वितरण गर्ने निणर्य गरेको हो ।

उक्त प्रस्तावित लाभांश नियामक नेपाल राष्ट्र बैंक र समताको आगामी वार्षिक साधारण सभाबाट पारित भएपछि मात्रै सेयरधनीले पाउने छन् । कम्पनीका अनुसार समता र घरेलु लघुवित्त मर्जर भएर २ वैशाखदेखि एकीकृत कारोबार भएका कारण घोषित लाभांश रकममा कर छुट हुनेछ ।