एनएमबी बैंकका ग्राहकलाई बी एण्ड बी अस्पतालमा छुट हुने

काठमाडौं । एनएमबी बैंकका कर्मचारी तथा ग्राहकलाई बी एण्ड बी अस्पतालमा छुट हुने भएको छ। बी एण्ड बी अस्पतालबाट उपलब्ध गराइने विभिन्न चिकित्सकीय सेवाहरुमा १० प्रतिशतसम्म छुट दिनेगरी सम्झौता भएको छ ।

सझौतापत्रमा एनएमबी बैंकका तर्फबाट प्रमुख-रिटेल बैंकिङ्ग रोशन रेग्मी र बी एण्ड बीका तर्फबाट  प्रशासक प्रमुख प्रकाश भट्टराईले हस्ताक्षर गरेका छन् ।
बैंकका एटिएम तथा अन्य भिजा कार्ड होल्डर ग्राहकहरु तथा कर्मचारीलाई फार्मेसीबाट औषधी किन्दा ५ प्रतिशत र अन्तरंग (भर्ना) मा ७ प्रतिशत छुट दिइनेछ।

एनएमबि बैंकले मुलुकभर १८० शाखा, १३६ एटीएमहरू, ९ एक्सटेन्सन काउन्टरहरू मार्फत ग्राहकलाई सेवा दिदैँ आइरहेका छ ।