ग्लोबल आइएमईका ग्राहकलाई कतार एयरवेजमा १० प्रतिशतसम्म छुट

काठमाडौं । ग्लोबल आइएमई बैंकका ग्राहकले कतार एयरवेजको टिकट खरिद गर्दा छुट प्रदान गर्नेका लागि ग्लोबल आइएमई बैंक लिमिटेड र कतार एयरवेजबीच समझदारी पत्रमा हस्ताक्षर भएको छ ।

सम्झौतामा बैंकको तर्फबाट बजार व्यवस्थापन तथा व्यवसाय प्रवद्र्धन प्रमुख शान्ता सिवाकोटी र कतार एयरवेजका तर्फबाट कन्ट्री म्यानेजर मोहमद इल एमामले हस्ताक्षर गरेका हुन ।

सम्झौताअनुसार बैंकका कर्मचारी तथा डेबिट/क्रेडिट/प्रिभिलेज कार्डबाहक ग्राहकले अनलाइन बुकिङमार्फत कतार एयरवेजको टिकट खरिदमा १० प्रतिशतसम्म छुट प्राप्त गर्ने जनाइएको छ । आफ्ना ग्राहकको सुविधाका लागि बैंकले यस्ता योजनाहरू ल्याएर लाभान्वित गर्दै आएको जनाएको छ ।