ब्याजदर घटाउने बैंकर्स संघको निणर्य

काठमाडौं । नेपाल बैंकर्स संघले ब्याजदर घटाउने निणर्य गरेको छ ।

वाणिज्य बैंकहरुको छाता संगठन नेपाल बैंकर्स एसोसीएसन (एनबीएन)को बुधबार साँझ बसेको बैंठकले माघ १ गतेदेखि लागू हुने गरी ब्याजदर घटाउने निणर्य गरेका हो ।

संघले व्यक्तिगत मुद्दतीको ब्याजदर १.१३ प्रतिशतले घटाएर ११ प्रतिशत कायम गर्ने निणर्य गरेको हो । अहिले वाणिज्य बैंकमा व्यक्तिगत मुद्दतीको ब्याजदर १२.१३ प्रतिशत रहेको छ ।

त्यस्तै संस्थागत मुद्दतीको ब्याजद घटेर ९ प्रतिशत कायम हुने भएको छ । त्यस्तै रेमिट्यान्स निक्षेप भने १२ प्रतिशत कायम हुने भएको छ ।