काठमाडौंको नयाँ बानेश्वर क्षेत्र तनावग्रस्त, एमसिसीविरुद्ध विरोध प्रदर्शन जारी

एमसिसीविरुद्ध विभिन्न राजनीतिक पार्टीका कार्यकर्ताहरूले विरोध प्रदर्शन गरेपछि काठमाडौंको नयाँ बानेश्वर क्षेत्र तनावग्रस्त बनेको छ। नेकपा माओवादी केन्द्र र एकीकृत समाजवादीका कार्यकर्ताहरू प्रदर्शनमा उत्रिएर नाराबाजी साथै टायर बालेर विरोध गरिरहेका छन्।

सरकारले आन्दोलनलाई नियन्त्रणमा गर्न ठूलो संख्यामा प्रहरी परिचालन गरिएको छ। प्रहरीले निषेधित क्षेत्रभित्र प्रदर्शनकारीहरूलाई प्रवेशमा रोक लगाएको छ ।

सम्भावित झडप रोक्न बानेश्वर क्षेत्रमा उच्‍च सुरक्षा अपनाएको छ भने दमकल साथै एम्बुलेनस तैनाथ अवस्थामा राखेको छ ।