शिवम् सिमेन्ट्सको साधारणसभा आज

काठमाडौं । शिवम् सिमेन्ट्सको साधारणसभा आज बस्ने भएको छ ।

शिवम्ले साधारण सभाबाट गत आर्थिक वर्षको नाफाबाट लगानीकर्तालाई करसहित २९ प्रतिशत नगद लाभांश प्रस्ताव पारित गनेछ ।
साधारण सभा सोल्टी होटल सोल्टीमोड काठमाडौंमा बिहान १० बजेबाट सुरु हुनेछ ।

कोरोना संक्रमणका कारण सभा भर्चुअल माध्यमबाट पनि सञ्चालन हुने कम्पनीले जनाएको छ ।

सभामा आर्थिक वर्ष २०७७/०७८ को वार्षिक प्रतिवेदनमा छलफल हुनेछ । सोही आर्थिक वर्षको नाफा/नोक्सान, नगद प्रवाहलगायतको विषयमा छलफल गर्ने एजेन्डा छ ।

कम्पनीले साधारणसभा तथा लाभांश प्रयोजनार्थ ८ कात्तिकमा बुक क्लोज गरेको छ । यसअनुसार ७ कात्तिकसम्म नेप्सेमा कायम सेयरधनीले लाभांश सुरक्षित गरेका छन् ।