दक्षिण सुडानको निर्वाचनमा राष्ट्रसंघले सघाउने

काठमाडौं । दक्षिण सुडानमा हुन गइरहेको निर्वाचनमा राष्ट्रसंघले सघाउने भएको छ ।

दक्षिण सुडानमा जारी संयुक्त राष्ट्रसंघीय मिसनका प्रमुख निकोलस हाएसनले दक्षिण सुडनामा हुन गइरहेको निर्वाचन सरकारलाई सघाउने प्रतिबद्धता जनाएका हुन ।

दक्षिण सुडानमा जारी अन्योलताको अन्त्यसँगै प्रजातन्त्रकको स्थापनाका लागि नयाँ संविधान निर्माणको प्रक्रिया स्वरुप सन् २०२३ मा हुन गइरहेको आम निर्वाचनमा संयुक्त राष्ट्रसंघले सहयोग गर्ने भएको छ ।

निकोलसे राष्ट्रसंघको प्राथमिकता भनेको दक्षिण सुडानमा प्रजातन्त्रका लागि आवश्यक संरचनाको स्थापनाका लागि सहयोग गर्नु हो त्यसैले राष्ट्रसंघले उक्त निर्वाचनमा आवश्यक पर्ने प्राविधिक र आर्थिक सहयोग पुर्‍याउने उनले बताएका छन् ।

सुडानको राष्ट्रसंघीय मिसनले हालैमात्र सरकारलाई के कस्तो सहयोग आवश्यक पर्छ भनेर सोधेको छ । आगामी निर्वाचनबाट नै दक्षिण सुडानको अहिलेको अन्योलको अवस्था हट्ने भन्दै सुडानको राष्ट्रसंघीय मिसनले यसका लागि आवश्यक पर्ने सबै प्रकारको सहयोग उपलब्ध गराउने बताएको छ ।
—