सबै अस्पताललाई स्वास्थ्य मन्त्रालयको निर्देशन उपचार शुल्क ७ दिन भित्र सार्वजनिक गर्नु

काठमाडौं । सरकारले सबै अस्पताललाई स्वास्थ्य सेवाको प्रकार र त्यस बापत लाग्ने लागतको विवरण ७ दिन भित्र सार्वजनिक गर्न निर्देशन दिएको छ ।
स्वास्थ्य तथा जंनसख्या मन्त्रालयले आज एक विज्ञप्ति जारी गदै निजि,सरकारी,सहकारी तथा समुदायिक स्वास्थ्य संस्थाहरुलाई निर्देशन दिएको हो ।
अस्पतालहरुले कोभिड महामारीको बेला बिमारीहरुसँग उपचारबापत चर्को शुल्क असुल गरेको,अक्सिजनको अत्याधिक शुल्क लिएको, अनावश्यक परीक्षण गराएको जस्ता गुनासो विभिन्न पत्रपत्रिका,हेलो सरकार मार्फत मन्त्रालयमा आएको मन्त्रालयले जनाएको छ ।

बिमारीले उपचार वापत लागने रकमबारे जानकारी पाउनु प्रत्येक नागरिको अधिकार हो र बिरामीको उपर सार्वजनिक र पारदर्शी गर्ने प्रत्येक स्वास्थ्य संस्थाको कानुनी एवं नैतिक कर्तव्य हो तसर्थ ७ दिनभित्र आफ्नो अस्पताल तथा स्वास्थ्य संस्थाबाट प्रवाह हुने स्वास्थ्य सेवाको प्रकार र त्यसको लागत रकम शीर्षक समेत उल्लेख भएको मूल्यसूची सञ्चालक समिति/वार्ड/आधिकारीक निकायबाट निणर्य गराइ अनिवार्य रुपमा आ-आफ्नो वेबसाइट र सूचना पाटीमा सार्वजनिक गर्न मन्त्रालयले निर्देशन दिएको छ ।

त्यस्तै उक्त मूल्यसूचीको विवरण स्वास्थ्य संस्था सञ्चालनको इजाजत दिने निकायमा पनि पठाउन समेत निर्देशन दिएको छ ।