भोलिबाट कारोबारमा आउने कुथेली बुखरी स्मल हाइड्रोपावरको सेयरको ओपनिङ्ग रेन्ज कति ?

काठमाडौं । नेपाल स्टक एक्सचेन्ज (नेप्स) मा एक हाइड्रोपावर कम्पनीको सेयर सूचीकृत भएको छ । नेप्सका अनुसार कुथेली बुखरी स्मल हाइड्रोपावर कम्पनीको साधारण सेयर सूचीकृत भएको हो ।

सूचीकरण भएसँगै यो कम्पनीको सेयर भोलि सोमबारबाट धितोपत्र दोस्रो बजारमा कारोबार आउने छन् । आइतबार हाइड्रोपावर कम्पनीको १२ लाख १८ हजार ६७५ कित्ता सेयर नेप्सेमा सूचीकरण भएको हो ।

कम्पनीले सर्वसाधारण (वैदेशिक रोजगार रहेको नेपाली,स्थानीय बासिन्दा, कर्मचारी र सामुहिक लगानी कोष)का लागि वितरण गरिएको २ लाख ४३ हजार ७३५ कित्ता र संस्थापकहरूले लगानी गरेको ९ लाख ७४ हजार ९४० कित्ता गरी १२ लाख १८ हजार ६७५ कित्ता सेयर नेप्सेमा सूचीकृत भएको हो ।

कुथेली बुखरी स्मलको पहिलो सेयर कारोबारको लागि न्युनतम १५९.६७ रुपैयाँ देखि अधिकतम ४७९.०१ रुपैयाँ ओपनिङ्ग रेन्ज रहेको छ । नेप्सेले कुथेली बुखरी स्मललाई ‘केबीएसएच’ कारोबार संकेत प्रदान गरेको छ ।