नेकपा ओली पक्षले सर्वोच्च अदालतको फैसलालाई स्वीकार गर्ने

काठमाडौँ । नेपाल कम्युनिष्ट पार्टी ओली पक्ष नेकपाले सर्वोच्च अदालतको फैसलालाई स्वीकार गर्ने निणर्य गरेको छ । बालुवाटारमा आज बसेको नेकपा ओली समुहको स्थायी कमिटी बैठकले सर्वोच्च अदालतले मङ्गलबार गरेको फैसलाको सम्मान गर्दै कार्यान्वयन गर्ने निणर्य गरेको छ ।

बैठकपछि नेकपा ओली समुहका प्रवक्ता प्रदीपकुमार ज्ञवालीले सर्वोच्च अदालतले गरेको फैसलालाई कार्यान्वयन गर्ने निणर्य गरिने जानकारी गराएका छन् ।

संसदीय दलको नेताको हैसियतले प्रधानमन्त्री केपी शर्मा ओलीले बोलाउने बैठक नै संसदीय दलको आधिकारिता हुने उनले बताए । “संसद् तोकिएकै समयमा नै आह्वान हुने पनि प्रवक्ता प्रदिप ज्ञवालीले जानकारी दिए । विगतमा राजनीतिक अस्थिरता, संसद्भित्र सैद्धान्तिक तथा नीतिहीन गठबन्धन जे जति कारणले संसदीय व्यवस्थाप्रति जनताको आलोचना र वितृष्णा बढ्ेको छ त्यो फेरि नहोस् भन्नाका लागि राष्ट्रले लिएको नीति र बाटो अवरुद्ध नहुने गरी सबै पक्षसंँग छलफल हुने उनले बताए ।