सिटिजन्स बैंकका ग्राहकले शाखामा गइ चेक प्रयोग नगरी नगद झिक्न सक्ने

काठमाडौँ । सिटिजन्स बैंकका ग्राहकले शाखामा गएर चेक प्रयोग नगरी रकम झिक्न सक्ने भएका छन् । बैंकले सुरु गरेको स्क्यान एन्ड विथड्र सेवा प्रयोग गरेर उपभोक्ताले शाखामा चेक नबुझाइ रकम झिक्न सक्ने भएका हुन् ।

बैंकको सेवाग्राहीले मोबाइल बैंकिङ एपमा लग(इन गरेर काउन्टरमा भएको क्यू आर कोड स्क्यान गरी खाताबाट रकम झिक्न सकिने बैंकले जनाएको छ ।

यो सेवा काठमाडौं उपत्यकाको दरवारमार्ग र कमलादी शाखाबाट उपलब्ध गराएको छ र निकट भविष्यमा यस सेवालाई देश भरीका अन्य शाखाहरुबाट समेत प्रवाह गर्ने उद्देश्यका साथ कार्याहरु भइसकेको बैंकका प्रमुख कार्यकारी अधिकृत गणेश राज पोखरेलले जानकारी गराए ।