ठूलो परिमाणमा सुन बरामद , एजेन्टसहित ६ जना पक्राउ

काठमाडौं । राजस्व अनुसन्धान विभागले हिजो साँझ त्रिभुवन अन्तर्राष्ट्रिय विमानस्थलत्बाट ठूलो परिमाणमा सुन बरामद गरेको छ ।

विशेष सूचनाका आधारमा विभागले विमानस्थलमा गरेको अपरेशनमा १०० किलोभन्दा माथिको सुन बरामद गरेको हो ।

विमानस्थल पास भएर आएको उक्त सुन विमानस्थल भन्सार गेट अगाडिबाट ट्याक्सीमा हालेर लैजान लागेका बेला बरामद भएको हो ।

उक्त सुन हङ्कङबाट मंगलबार क्याथे प्यासेफिकको उडानमा स्कुटरका ‘ब्रेक सु’ को आवरणमा सुन ल्याइएको थियो ।

सुन बरामद प्रकरणमा हालसम्म १ जना भन्सार एजेन्टसहित ६ जनालाई पक्राउ गरेको छ । घटनाका विषयमा थप अनुसन्घान भइरहेको छ ।