सरकारले सातै प्रदेशमा मेडिकल कलेज बनाउने

काठमाडौ । सरकारले सातै प्रदेशमा मेडिकल कलेज बनाउने घोषणा गरेको छ ।

राष्ट्रपति रामचन्द्र पौडेलले आज संघीय संसदमा आर्थिक वर्ष २०८०/०८१ को नीति तथा कार्यक्रम प्रस्तुत गर्दै एकृकित प्रतिष्ठानअन्तर्गत सातै प्रदेशमा मेडिकल कलेज बनाउने बताएका छन् ।

क्षेत्रीय अस्पताललाई पनि मेडिकल कलेजमा स्तरोन्नति गरिने सरकारको निति तथा कार्यक्रममा रहेको राष्ट्रपति रामचन्द्र पौडेलले जानकारी गराएका छन् ।

सामुदायिक अस्पतालहरुमा एक चिकिसत्क एक अस्पतालको व्यवस्था सुनिश्चित गर्ने र बहिरङ् सेवा बिहान ८ बजे देखि बेलुका ८ बजे सम्म संचालन गर्ने सरकारले निति तथा कार्यक्रम मार्फत घोषणा गरेको छ ।