अभियान लघुवित्तले सर्बसाधारणलाई साउन १८ गतेदेखि आईपिओ निष्काशन गर्ने

अभियान लघुवित्त संस्थाले सर्बसाधारणलाई साउन १८ गतेदेखि आईपिओ निष्काशन गर्ने भएको छ । कम्पनीले १०० अंकित दरको ९ लाख ७५ हजार कित्ता साधारण शेयरहरु सर्वसाधारणहरुमा निष्काशन गर्न लागेका हुन।

जस मध्ये सामुहिक लगानी कोषहरुको लागि ४८ हजार ७ सय ५० कित्ता शेयर छुट्याईएको छ भने १२ हजार ५ सय कित्ता शेयर कम्पनीका कर्मचारीका लागि सुरक्षित गरिएको छ । बाँकि रहेको ९ लाख १३ हजार ७ सय ५० कित्ताको लागि सर्बसाधारणले आवेदन दिन सक्ने छन् ।

साउन २२ गतेसम्म लगानीकर्ताले यस आईपिओमा आवेदन दिन सक्ने छन् । आवेदन दिंदा न्युनतम १० कित्ता र अधिकतम ३ हजार कित्ताको लागि आवेदन दिनु पर्ने छ । शेयर निष्काशनको लागि मुक्तिनाथ क्यापिटल बिक्रि प्रबन्धक रहेको छ ।

हाल कम्पनीको चुक्ता पूँजी रु।१५ करोड २५ लाख रहेको छ। कम्पनीको केन्द्रीय कार्यालय काभ्रेको पनौतीमा रहेको छ ।