नि:शुल्क पीसीआर परीक्षण गर्न सर्वोच्चको परमादेश

काठमाडौं । पीसीआर परीक्षणमा शुल्क लिन बन्द गर्न माग गर्दै दायर रिटमा सर्वोच्च अदालतले परमादेश जारी गरेको छ ।

सर्वेच्च अदालतका न्यायाधीशद्वय आनन्दमोहन भट्टराई र टङ्कबहादुर मोक्तानको संयुक्त इजलासले यस्तो आदेश जारी गरेको हो ।

अधिवक्ता लोकेन्द्र ओली र केशरजंग केसीले पीसीआर परीक्षण निःशुल्क हुनुपर्छ भनी परमादेश माग गर्दै रिट दायर गरेका थिए । अन्तरिम आदेश दिने कि नदिने भन्नेबारेकै सुनुवाइमा अंग पुगेकाले सर्वोच्चले अन्तिम आदेश जारी गरेको हो ।