२०८१ असार ३, सोमबार
Health Aawaj logo
गृहपृष्ठअन्तर्राष्ट्रियभारतको छत्तीसगढमा नक्सलवादीको आक्रमणमा २२ सुरक्षाकर्मीको मृत्यु

भारतको छत्तीसगढमा नक्सलवादीको आक्रमणमा २२ सुरक्षाकर्मीको मृत्यु


एजेन्सी । भारतको छत्तीसगढ प्रदेशमा नक्सलवादीहरुको आक्रमणमा परी कम्तीमा २२ सुरक्षाकर्मीको मृत्यु भएको छ । छत्तीसगढको विजपुरमा शनिबार घटना भएको अधिकारीहरुले जानकारी दिएका छन् ।

“छत्तीसगढको सुक्मा—विजपुरमा नक्सल विद्रोहीहरुको आक्रमणमा परी कम्तीमा २२ सुरक्षाकर्मीको ज्यान गएको छ,” स्थानीय प्रहरी प्रमुख कमलोचन कश्यपले जानकारी दिए । घटनामा परी अरु ३१ जना घाइते पनि भएको उनले बताए ।

छत्तीसगढका मुख्यमन्त्री भूपेश बघेलले घटनामा परी घाइते भएकाहरु खतरामुक्त रहेको बताएका छन् ।उनले अरु २१ जना प्रहरी सम्पर्कविहीन रहेको र उनीहरुको खोजी भइरहेको पनि पत्रकारहरुलाई जानकारी गराए । केन्द्रीय गृहमन्त्री अमित शाहले फोन गरेर उद्धार तथा खोजीका बारेमा चासो राख्नु भएको पनि मुख्यमन्त्री बघेलले बताए ।


क्याटेगोरी : अन्तर्राष्ट्रिय, समाचार



तपाईको प्रतिक्रिया दिनुहोस


ट्रेण्डिङ