२०८० फागुन १०, बिहीबार
Health Aawaj logo
गृहपृष्ठप्रदेशमधेश प्रदेशस्वास्थ्यकर्मीलाई कोरोना संक्रमण देखिएपछी भारदह अस्पतालको सबै सेवा बन्द

स्वास्थ्यकर्मीलाई कोरोना संक्रमण देखिएपछी भारदह अस्पतालको सबै सेवा बन्द


सप्तरी-स्वास्थ्यकर्मीमा कोरोना संक्रमण देखिएपछि सप्तरी जिल्लाको हनुमाननगर कंकालिनी नगरपालिकामा रहेको भारदह अस्पतालका सबै सेवाहरु अनिश्चितकालकालागि बन्द गरिएको छ ।
प्रादेशिक अस्पताल जनकपुरमा गरिएको परीक्षणमा भारदह अस्पतालमा कार्यरत एक स्वास्थ्यकर्मीमा संक्रमण पुष्टि भएको हो ।

अस्पतालले दिएको सुचना अनुसार अर्को व्यवस्था नहुन्जलेसम्मको लागि अस्पतालबाट प्रवाह हुने सम्पूणर् सेवाहरु बन्ध गरिएको अस्पतालका डा. कुन्दन ठाकुरले जानकारी गराउनु भयो ।

अस्पतालमा कार्यरत २ चिकित्सकसहित कर्मचारी, स्वास्थ्यकर्मी र औषधि पसलेसमेत ४१ जनाको बिहीबार स्वाब संकलन गरेर पीसीआर परीक्षणका लागि पठाइएको थियो ।

अस्पतालमा कार्यरत अन्य कर्मचारीहरुका पनि नमूना स्वाब संकलन भइरहेकाले पिसीआर परीक्षणको रिपोर्ट नआएसम्म सवै सेवा ठप्प रहने सूचनामा उल्लेख छ ।


क्याटेगोरी : मधेश प्रदेश



तपाईको प्रतिक्रिया दिनुहोस


ट्रेण्डिङ