चीनले डब्ल्युएचओबाट अनुमति पायो आम नागरिकमा कोराना विरुद्ध भ्याक्सिन लगाउन

काठमाडौं । चिनले कोभिड —१९ विरुद्ध विकास गरेको खोपलाई विश्व स्वास्थ्य संगठनले आम नागरिकमा ल्याउन अनुमति दिएको अन्तर्राष्ट्रिय मिडियाले जनाएका छन् ।
चिनियाँ मिडियाका अनुसार चिनियाँ स्वास्थ्य अधिकारीले विश्व स्वास्थ्य संगठनले आम जन समुदायमा कोरोनाविरुद्धको खोप लगाउन अनुमति दिएको जानकारी दिए ।

कोभिड —१९ विरुद्ध साधारण व्यत्तिका लागि आपतकालीन रुपमा डब्ल्युएचओबाट भ्याक्सिनको अनुमति पाउने चीन पहिलो राष्ट्र बनेको छ । चीनले तेस्रो चरणमा लगातार पाँच वटा भ्याक्सिन परीक्षण गरिरहेको जनाएको छ । सरकार सञ्चालित कम्पनी सिमोफोर्मले उक्त खोप विकास गरेको हो । जसले यसअघि पनि विभिन्न स्थानमा यसको आपतकालिन रुपमा प्रयोग गर्ने अनुमति पाइसकेको थियो ।

यसअघि रुसले पनि अन्तिम चरणमा पुगेको खोप डब्लूएचओमा दर्ता गरिसकेको छ । जुन पश्चिमा देशका विज्ञहरुले थुप्रै आशंका गर्नुपर्ने र विश्वास गर्न नसकिने दावी गरेका छन् ।