विश्वभर कोरोना संक्रमणबाट मृत्यु हुनेको संख्या १० लाख नाघ्यो

एजेन्सी । चीनको हुवेई प्रान्तस्थित वुहान शहरबाट फैलिन सुरु भएको मानिने कोरोना भाइरस विश्वका केही मात्र राष्ट्र छाडेर सबै देशहरुमा फैलिएको छ ।

कोरोना भाइरसको संक्रमणबाट विश्वमा प्रतिकुल असर पुग्न गएको छ । यस भाइरसका कारणले लाखौं मानिसले ज्यान गुमाएका छन् ।

यो समाचार तयार पार्दासम्म विश्वमा ३ करोड ३३ लाख ३ हजार २ सय २६ जनामा कोरोना संक्रमण पुष्टि भएको छ । १० लाख २ हजार ३ सय ८३ जनाले यस भाइरसको संक्रमणबाट ज्यान गुमाएका छन् । विश्वका २ करोड ४६ लाख ३४ हजार १ सय ९८ संक्रमित निको भएका छन् ।

यसैगरी विश्वमा सबैभन्दा बढी संक्रमण देखिने तथा प्रभावित बनेको राष्ट्र अमेरिका हो । हालसम्म ७३ लाख २१ हजार ३ सय ४३ जनामा कोरोनाले संक्रमण गराएको छ । २ लाख ९ हजार ४ सय ५३ जनाले ज्यान गुमाएका छन् ।

यस्तै ४५ लाख ६० हजार ४ सय ५६  संक्रमित निको भएका छन् । अन्य केही प्रभावित राष्ट्रहरुको अवस्था तल तालिकामा हेर्न सकिन्छ ।