जापानका नयाँ प्रधानमन्त्रीले विना शर्त किम जोनलाई भेट्न तयार

काठमाडौं । जापानको नयाँ प्रधानमन्त्रीका रुप योशिहिडे सुगाले उत्तरी कोरियाका सर्वोच्च नेता किम जोन सँग विना शर्त भेट्न चाहेको बताएका छन् । सुगाले शुक्रबार किमलाई आफुले विना शर्त भेट्न तयार रहेको बताएका हुन्।

जापनी प्रधानमन्त्रीले संयुक्त राष्ट्रसंघको ७५ औँ महासभामा बोल्ने क्रममा उनले उत्तर कोरिया र जापानबीचको सम्वन्धलाई सामान्य बनाउन चाहेको स्पष्ट पारे।

उनले जापान—डिपीआरके प्योङ्गयाङ्ग घोषणाको स्मरण गर्दै त्यस अनुसार नै सम्वन्धलाई अगाडि बढाउने चाहेको पनि उल्लेख गरे।
आपसी सम्वन्ध र परमाणु सम्वन्धी विषयमा सन् २००२ मा भएको दुई पक्षीय सम्झौतालाई कार्यान्वयन गरेर अगाडि बढ्नु पर्ने कुरामा जोड दिए ।

प्रधानमन्त्री सुगाले टोकियो र प्योङ्गयाङ्गका बीचमा रचनात्मक र सन्तुलित सम्वन्धको पक्षमा नै आफु रहेको र ’हामी हाम्रो दुई पक्षीय कारणले मात्रै नभइ यस क्षेत्रमा शान्ति स्थापनाका लागि पनि योगदान पुर्‍याउनु पर्दछ, त्यसैले हामी बीचमा सहकार्य र सुमधुर सम्वन्धको आवश्यकता रहको बताए ।
सुगाले आफु आफ्ना प्रतिबद्धता र उदेश्यबाट पछाडि हट्ने र राम्रो गर्ने अवसरलाई गुमाउने पक्षमा नरहेको स्पष्ट पारे।