पेरिसमा अन्धाधुन्ध चक्कु प्रहार,२ जना घाइते

फ्रान्सको पेरिस स्थित व्यंग्य पत्रिका सार्ली एब्डोको पूर्व कार्यालय नजिकै एक व्यक्तिले चक्कु प्रहार गर्दा दुईजना गम्भीर घाइते भएका छन् ।

फ्रान्सेली सरकारले यो आक्रमणलाई आतंकवादी आक्रमणका रुपमा लिइएको छ । घटना इस्लामिक आतंकवाद जस्तो देखिने फ्रान्सेली सरकारले बताएको बिबिसीले जनाएको छ ।

स्थनीय प्रहरीका अनुसार आक्रमणकारी पाकिस्तानी मूलका १८ वर्षीया युवा रहेको बताएको छ । ती युवा पक्राउ गरेका छन् । अरु ६ जनालाई पनि प्रहरीले नियन्त्रणमा लिएर सोधपुछ गरिरहेको छ। टेलिभिजनको उत्पादन टिममा काम गर्ने महिला र पुरुषमाथि चक्कु प्रहार भएको हो ।

सन् २०१५ मा  सार्ली एब्डोमा भएको आक्रमणमा १२ जनाको ज्यान गएको घटनालाई लिएर दुई आतंककारीलाई सहयोग गरेको अभियोगमा १४ जनाविरुद्ध मुद्दाको सुनुवाई जारी रहेका बेला आक्रमण भएको हो ।