सर्बोच्च अदालतले राष्ट्र बैंकसंग माग्यो लिखित जवाफ

काठमाडौं । नेपाल राष्ट्र बैंकले सामाजिक उत्तरदायित्व अन्तर्गत बैंक तथा उद्योगले कोरोना कोषमा नाफाको एक प्रतिशत जम्मा गर्न दिएको निर्देशन बिरुद्ध सर्बोच्चले लिखित जवाह मागेको छ ।

न्यायाधीश हरिप्रसाद फुयाँलको एकल इजलासले सोमबार यस्तो आदेश जारी गरेको हो । आदेशमा नेपाल राष्ट्र बैंकले खुद मुनाफाको एक प्रतिशत रकम कोरोना कोषमा राख्नु भनेर दिएको निर्देशनबारे १५ दिनभित्र लिखित कारण पेश गर्न भनिएको छ ।

केन्द्रीय बैंकलाई विपक्षी बनाई अधिवक्ता शशी बस्नेतले सर्वोच्च अदालतमा दायर गरेको रिट निवेदनमा बैंक तथा उद्योगको खुद मुनाफाको गतवर्षको सामाजिक उत्तरदायित्वको रकम अहिले आएर माग्नु कानून विपरीत भएकाले सो निणर्य रोक्न माग गरिएको थियो ।

अधिवक्ता शशी बस्नेतले दायर गरेको रिटमा भुतकालको समयका रकम माग्नु कानुनविपरीत भएको र आर्थिक सङ्कलन गर्नेपर्ने भएमा अरु उपायहरु अपनाउनुपर्ने साथै सामाजिक उत्तरदायित्वका लागि खर्च गर्नुपर्ने पैसा कोरोना कोषमा हाल्नुपर्ने बाध्यकारी निणर्य कार्यान्वयन नगर्न आदेशको माग गरिएको थियो ।