आशा लघुवित्तकाे प्रमुख कार्यकारी अधिकृतमा बद्री दुलाललाई नै निरन्तरता

काठमाडौं । आशा लघुवित्त वित्तीय संस्थाले सीईओमा थप एक कार्यकालका लागि बद्री दुलाललाई नै निरन्तरता दिने भएको छ ।

चैत ४ गते बसेको सञ्चालक समितिको बैठकले दुलाललाई थप एक कार्यकालको लागि सीईओ नियुक्त गरेको हो ।

दुलालकाे पदावधि  यही चैत १३ गते सकिन लागेकोले थप चारवर्षे कार्यकालका लागि  उनलाई नै सीईओमा नियुक्त गरिएको कम्पनीले जनाएको छ ।

दुलालको नेतृत्वमा संस्थाले  उत्कृष्ट पफर्मेन्स देखाउँदै आएकोले दुलाललाई नै अर्को कार्यकालको लागि पनि सीईओको जिम्मेवारी दिएको कम्पनीले जनाएको छ ।