नेरुडे लघुवित्तले शेयरधनीलाई २३.१५ प्रतिशत लाभांश दिने

काठमाडौं । नेरुडे लघुवित्त वित्तीय संस्थाले गत बर्षको मुनाफाबाट आफ्ना शेयरधनीलाई २३.१५ प्रतिशत लाभांश दिने भएको छ ।

लघुवित्त कम्पनीको पु्स ७ गते बसेको सञ्चालक समितिको २९९ औं बैठकले गत आर्थिक बर्ष २०७८/७९ को वितरण योग्य मुनाफाबाट हाल कायम चुक्तापुँजी ६० करोड रुपैयाँको २३.१९ प्रतिशतले हुन आउने १३ करोड ८९ लाख ४७ हजार रुपैयाँ बराबरको लाभांश वितरण गर्ने प्रस्ताव गरेको छ ।

प्रस्तावित कुल २३.१५ प्रतिशत लाभांश मध्ये २२ प्रतिशतले हुन आउने १३ करोड २० लाख रुपैयाँ बराबरको वोनश शेयर र १.१५ प्रतिशतले हुन आउने ६९ लाख ४७ हजार रुपैयाँ बराबरको नगद लाभांश (कर समेत गरी) वितरण गर्ने प्रस्ताव गरेको हो ।

प्रस्तावित लाभांश नेपाल राष्ट्र बैंकबाट स्वीकृत भई लघुवित्त कम्पनीको आगामी साधारणसभाले पारित गरेपछी लगानीकर्ताले पाउनेछन् ।