मेरो माइक्रोफाइनान्स लघुवित्तले गर्यो लाभांशको घोषणा

काठमाडौं । मेरो  माइक्रोफाइनान्स लघुवित्त वित्तीय संस्थाले गत बर्षको मुनाफाबाट आफ्ना शेयरधनीलाई २० प्रतिशत लाभांश दिने भएको छ ।

लघुवित्त कम्पनीको पु्स ५ गते बसेको सञ्चालक समितिको १३१ औं बैठकले गत आर्थिक बर्ष २०७८/७९ को वितरण योग्य मुनाफाबाट हाल कायम चुक्तापुँजी १ अर्ब २० करोड रुपैयाँको २० प्रतिशतले हुन आउने २४ करोड रुपैयाँ बराबरको लाभांश वितरण गर्ने प्रस्ताव गरेको छ ।

प्रस्तावित कुल २० प्रतिशत लाभांश मध्ये १० प्रतिशतले हुन आउने १२ करोड रुपैयाँ बराबरको वोनश शेयर र १० प्रतिशतले हुन आउने १२ करोड रुपैयाँ बराबरको नगद लाभांश (कर समेत गरी) वितरण गर्ने प्रस्ताव गरेको हो ।

प्रस्तावित लाभांश नेपाल राष्ट्र बैंकबाट स्वीकृत भई लघुवित्त कम्पनीको आगामी साधारणसभाले पारित गरेपछी लगानीकर्ताले पाउनेछन् ।