वाणिज्य बैंकहरुको निक्षेप २ अर्बले बढ्यो

काठमाडौं । नेपाल राष्ट्र बैंकको तथ्याङ अनुसार वाणिज्य बैंकहरु निक्षेप ४६ खर्ब पुगेको छ ।

उक्त तथ्यांकअनुसार  आइतबार वाणिज्य बैंकहरूकाे  निक्षेप ४५ खर्ब ९८ अर्ब रहेकाेमा   साेमबार  भने निक्षेप २ अर्बले बढेर  ४६ खर्ब पुगेकाे छ ।

त्यस्तै, विकास बैंक तथा फाइनान्स कम्पनीको निक्षेप ६ खर्ब २० अर्ब पुगेको छ । समग्रमा बैंक तथा वित्तीय संस्थाहरुको निक्षेप ५२ खर्ब २० अर्ब पुगेको छ ।
राष्ट्र बैंकका अनुसार कुल कर्जा लगानी ४७ खर्ब ६० अर्ब रहेको छ ।

साथै, वाणिज्य बैंकको कर्जा लगानी ४२ खर्ब १४ अर्ब रहेको छ भने विकास बैंक तथा फाइन्नस कम्पनीको कर्जा ५ खर्ब ४६ अर्ब पुगेको छ ।

बैंक तथा वित्तीय संस्थाको निक्षेप बढेसँगै सिडी रेसियो ८६.३१ प्रतिशत पुगेको छ । अन्तर बैंक ब्याजदर भने ६.८६ प्रतिशतमै स्थिर कायम भएको छ ।