नेपली कांग्रेसको केन्द्रीय समितिको बैठक स्थगित

काठमाडौं । केन्द्रीय कार्यसमितिका सदस्यहरुमा कोरोना भाइरसको संक्रमण देखिएपछि कारण सोमबारका लागि तय गरिएको नेपली कांग्रेसको केन्द्रीय कार्यसमिति बैठक स्थगित गरिएको हो ।

सोमबार २ बजेका लागि बोलाइएको बैठक स्थगित गरिएको पुष्टि गरेका छन् । केन्द्रीय कार्यालयका मुख्य सचिव कृष्णप्रसाद पौडेलले केन्द्रीय कार्यसमितिको बैठक असोज २५ गते बस्ने जानकारी दिए ।

सहमहामन्त्री प्रकाशशरण महतले आइतबार बिहान ९ बजे बोलाइएको पदाधिकारी तथा पूर्वपदाधिकारीहरुको बैठक स्थगित गरिएको जानकारी दिए ।
आइतबार बिहान ९ बजे केन्द्रीय कार्यालय सानेपामा केन्द्रीय कार्यसमिति बैठकका एजेन्डाबारे छलफल गर्न कांग्रेसले पदाधिकारी बैठक बोलाएको थियो ।