छायाँदेवी कम्प्लेक्स लिमिटेडले आईपिओ जारी गर्ने

काठमाडौं । छायाँदेवी कम्प्लेक्स लिमिटेडले सर्वसाधारणको लागि प्रारम्भिक सार्वजनिक निष्काशन आईपिओ जारी गर्ने भएको छ । जसका लागि कम्पनीले प्रभु क्यापिटल लिमिटेडलाई शेयर निष्काशन तथा बिक्री प्रबन्धकमा नियुक्त गरेको छ ।

छायाँ देवी कम्पलेक्स लिमिटेडले काठमाण्डौको मुख्य व्यापारिक स्थान ठमेलमा पाँच तारे होटेल र मेघा कम्प्लेक्सको निर्माण गरी सञ्चालन गरिरहेको छ । सो कम्पलेक्सको कूल निर्माण क्षेत्र करीब ३ लाख ५० हजार वर्गफिट भन्दा बढी रहेको छ ।

हाल सञ्चालनमा रहेको सो कम्पलेक्स नेपालकै ठूलो मध्येको एक हो । साथै अन्तराष्ट्रिय नेटवर्क भएको पाँचतारे होटल “दि एलोफ्ट” सञ्चालन भइरहेको छ ।

कम्पनीले हाल कायम जारी पूँजीको १० प्रतिशत शेयर सर्वसाधारणमा निष्काशन गर्न लागेको हो ।