होटल तथा रेस्टुरेन्ट व्यवसायीले ग्लोबल आइएमईबाट सहुलियत पूर्ण ब्याजमा कर्जा पाउने

काठमाडौं । देशभरका होटल व्यवसायी महासंघ नेपालमा आबद्ध होटल तथा रेस्टुृरेटले ग्लोबल आइएमई बैंकबाट सहुुलियत पूणर् व्याजमा कर्जा पाउने भएका छन्।

सरलताका साथ बैंकिङ कारोबार सम्बन्धी होटल तथा रेस्तुरेन्ट व्यवसायीमा जनचेतना बढाउने विषयसम्बन्धी महासंघ र बैंकबीच सम्झौता भएको छ । सम्झौतापत्रमा ग्लोबल आइएमई बैंकका प्रमुख कार्यकारी अधिकृत रत्नराज बज्राचार्य र होटल व्यवसायी महासंघ नेपालका अध्यक्ष हिराध्वज शाहले हस्ताक्षर गरे ।
हाल कोभिड-१९ बाट प्रभावित भएको अवस्था तथा होटल व्यवसायीलाई आर्थिक कारोबारमा सघाउ पुर्‍याउन दृष्टिगत गरी परियोजना सञ्चालनमा ल्याउन सहयोग पुर्‍याउने हेतुले बैंक नियमानुसार कर्जा सुविधा प्रदान गर्ने सहमति भएको छ ।
यसका साथै महासंघसँग आबद्ध होटल व्यवसायीको लागि बैंकले बैंकिङ एवं वित्तीय साक्षरता सम्बन्धी तालिम समेत प्रदान गरिनेछ ।