पछिल्लाे २४ घण्टामा ७२१९ जना संक्रमणमुक्त

काठमाडाैं । नेपालमा थप ५ हजार ३१६ जनामा काेभिड संक्रमण पुष्टि  भएकाे हाे ।

स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा  नेपालमा  १६ हजार ८ सय ७८ जनामा पिसिआर र एन्टिजेन परीक्षणका गर्दा ५ हजार ३ सय १६ जनामा कोभिड-१९ पाेजेटिभ भएकाे छ  ।

योसँगै नेपालमा अहिलेसम्म कोभिड-१९ संक्रमित हुनेको संख्या ५ लाख ७१ हजार १ सय ११ पुगेको छ । पछिल्लो २४ घण्टामा ७ हजार २सय १९ जना कोभिड-१९ संक्रमणमुक्त भएका छन् ।

अहिलेसम्म नेपालमा कोभिड-१९ संक्रमणमुक्त हुनेको संख्या ४ लाख ६१ हजार ५ सय ६३ पुगेको छ । नेपालमा काेराेना संक्रमण भइ निकाे हुने ८०.८ प्रतिशत रहेकाे  छ ।

नेपालमा पछिल्लो २४ घण्टामा १०१ जना कोभिड-१९ संक्रमितको मृत्यु भएको छ । यससँगै नेपालमा कोभिड-१९ को संक्रमणबाट मृत्यु हुनेको संख्या ७ हजार ५ सय ५५ पुगेको छ ।