मोरङमा जेठ २४ गतेसम्म निषेधआज्ञा

विराटनगर । मोरङमा यही जेठ २४ गतेसम्मका लागि निषेधाज्ञा हुने भएको छ ।

जिल्ला प्रशासन कार्यालय मोरङले कोभिड-१९ बढिरहेकाले जेठ २४ गतेसम्म थप गर्ने निणर्य गरेको हो ।प्रमुख जिल्ला अधिकारी कोषहरि निरौलाले आज सूचना जारी गर्दै जेठ २४ गते राति १२ बजेसम्मको लागि निषेधाज्ञाको जारी गरेका हुन ।

स्थानीय प्रशासन ऐन २०२८ को दफा ६ को उपदफा ३, सङ्क्रामक रोग ऐन २०२० को दफा २ र कोभिड-१९ सङ्कट व्यवस्थापन अध्यादेश २०७८ बमोजिम जेठ २४ गतेसम्मका लागि निषेधाज्ञा थप गर्ने निणर्य गरिएको हो ।