नेपालमा  पछिल्लो २४ घण्टामा ७ हजार ६६४ जना कोरोना संक्रमणमुक्त

काठमाडौं । नेपालमा थप ७ हजार ९ सय १४ जनामा कोभिड-१९ संक्रमण पुष्टि भएको छ ।
स्वास्थ्य तथा जनसंख्या मन्त्रालयले दिएको जनाकारी अनुसार पछिल्लो २४ घण्टामा १९ हजार ९ सय २३ जनामा गरिएको परीक्षणमा ७ हजार ९ सय १४ जनामा कोभिड-१९ पोजेटिभ देखिएको हो ।

नेपालमा हालसम्म कोभिड-१९ बाट संक्रमित हुनेको संख्या ५ लाख १३ हजार २ सय ४१ पुगेको छ । पछिल्लो २४ घण्टामा ७ हजार ६ सय ६४ जना कोरोना संक्रमित संक्रमणमुक्त भएका छन् ।

अहिलेसम्म नेपालमा कोभिड-१९ बाट संक्रमणमुक्त हुनेको संख्या ३ लाख ९१ हजार ३ सय ४८ पुगेको छ ।पछिल्लो २४ घण्टामा १९३ जनाको कोभिड-१९ संक्रमणबाट मृत्यु भएसँगै अहिलेसम्म नेपालमा कोभिड-१९का कारण ज्यान गुमाउनेको संख्या ६ हजार ३ सय ४६ पुगेको छ ।