विश्वविख्यात ब्राजिलियन फुटबलर पेलेको निधन

काठमाडौँ । विश्वको महान् फुटबल खेलाडी पेलेको ८२ वर्षको उमेरमा निधन भएको छ ।

पेलेको गए राति ब्राजिलस्थित साओपाउलोमा रहेको अल्बर्ट आइन्सटाइन अस्पतालमा निधन भएको हो ।  पेलेले केही वर्षयता मिर्गौला र प्रोटेस्टको समस्या झेलिरहका थिए । उनी पछिल्लो समय क्यान्सरबाट पीडित थिए ।

पेलेले ब्राजिललाई सन् १९५८, १९६२ र १९७० को विश्वकप फुटबल प्रतियोगिताको उपाधि दिलाएका थिए । यसैगरी फिफाले सन् २००० मा पेलेलाई फिफा प्लेयर अफ द सेन्चुरीको उपाधिबाट सम्मानित गरेको थियो ।

ब्राजिलको मिनास गेराइसमा सन् १९४० अक्टोबर २३ मा जन्मिएका पेलेले १७ वर्षको उमेरमा अन्तर्राष्टिय फुटबलमा डेब्यु गरेका थिए ।

पेलेको वास्तविक नाम भने एजिडिसरन एरेन्टस डो नासिमेन्टो हो ।