कुमारी र एनसीसीको एकीकृत कारोबार पुस १७ गतेदेखि

काठमाडौं – कुमारी बैंक र नेपाल क्रेडिट एन्ड कमर्स (एनसीसी) बैंकले पौष १७ गतेबाट एकीकृत कारोबार सुरु गर्ने भएका छन् ।

कुमारी बैंक लिमिडेटको नामबाट एकीकृत कारोबार हुने भएको हो । मर्जरपछि बैंकको केन्द्रीय कार्यालय हाल कुमारी बैंकको केन्द्रीय कार्यालय रहेको कामाडौँ महानगरपालिका-२ स्थित टंगालमा रहनेछ ।

दुई बैंकको मंसिर २५ गते सम्पन्न वार्षिक साधारणसभाले मर्जर प्रस्ताव पारित गरेको थियो ।मर्जर सम्झौताअनुसार कुमारी र एनसीसीबीच शेयर आदानप्रदान अनुपात (स्वाप रेसियो) एक बराबर एक हुनेछ ।

एकीकृत कारोबारका गर्न डाटा माइक्रेसन प्रयोजनका लागि पुस १५ र १६ गते दुवै बैंकका शाखाबाट प्रदान गर्दै आएको बैंकिङ सेवासमेत प्रभावित हुने बैंकले जानकारी दिएको छ ।