सौन्दर्यकर्मी लिना सुबेदी “विशेष नागरिक सम्मान २०७९” बाट सामानित

काठमाडौं । सौन्दर्यकला क्षेत्रमा उच्च योगदान पुर्याएका सौन्दर्यकर्मी लिना सुबेदी “विशेष नागरिक सम्मान २०७९” बाट सामानित भएकी छिन् । सामाजिक रुपान्तरण लागि नागरिक समाजको आयोजनामा सम्पन्न कार्यक्रमको उदघाटन स्वास्थ्य तथा जनसंख्यामन्त्री भवानीप्रसाद खापुङले गरेका थिए ।

विगत लामो समयदेखि अत्यन्त निष्ठा र समर्पणका साथ सामाजिक क्षेत्रमा क्रियाशिल एक कुशल अनुकरणिय एवम सामाजिक अभियन्ताको रुपमा समस्त राष्ट निम्ति प्रेरणादायी व्यक्तित्वको रुपमा सुपरिचित तथा सर्वोत्कृष्ट पहिचान एवम् अविष्मरणिय कार्यको उच्च मूल्यांकन गर्दै, संस्थाको सोह्रौ बार्षिक उत्सवको अवसरमा आयोजित विशेष समारोहमा यहाँलाई विशेष नागरिक सम्मान २०७९ समर्पण गर्दछौ भने सम्मान पत्रमा उल्लेख छ ।

कार्यक्रममा आफनो भनाई राख्दै सुबेदीले नेपाली समाजमा बढ्दै गईरहेको सौन्दर्यकलाप्रतिको प्रभावलाई ब्यवस्थित गर्ने र पार्लर ब्यवसायहरुलाई छुट्टै उचाइमा पुर्याउन आवश्यक रहेको र ब्युटिसियन सम्मान एंवम समारोहको महत्वलाई अझ फराकिलो बनाउदै सम्पूर्ण सौन्दर्यकर्मीहरुको मनोबललाइ उच्च बनाउन जरुरी रहेका बताइन । साथै ब्यूटिसियन सिप तथा तालिममले स्वरोजगार बनाई आर्थिक अवस्थामा समेत टेवा पुर्‍याउनुको साथै महिला शसक्तिकरण अभियानमा समेत सहयोग पुग्नेको उनको भनाइ थिइन ।

सुबेदी यसअघि समेत सौन्दर्यकला क्षेत्रमा उच्च योगदान पुर्याए बापत विभिन्न अवार्ड तथा सम्मानबाट सम्मानित भई सकेकि छिन् ।