वाग्मती प्रदेशसभा बैठक भदौ १ गते बस्ने

काठमाडौं । वाग्मती प्रदेशसभाको बैठक भदौ १ गत बस्ने भएको छ ।

बैठक भोलि अपराह्न २ः०० बजेका लागि बोलाइएको प्रदेशसभा सचिवालयले जनाएको छ ।

यसअघि गत असार २८ गते दुई विधेयक पारित गरिएपछि प्रदेशसभाका सभामुख सानुकुमार श्रेष्ठले अनिश्चितकालका लागि बैठक स्थगित गरेका थिए ।

सो बैठकमा उच्च शिक्षासम्बन्धी विधेयक र पर्यटनसम्बन्धी विधेयक पारित गरिएको थियो ।